河國榮前晚喺鑽石山舉行慈善籌款音樂會，雷深如（J.Arie）擔任嘉賓。繼上年首次舉行演唱會後，今次再演出，河國榮話因為有經驗，表現比上次好，又冇咁緊張。 J.Arie同河國榮拍電影認識，大家一見如故，佢話有講不完嘅話題：「我叫佢做uncle，佢識好多嘢，對樂壇、影壇有自己一套睇法，好心水清，絕對係香港之寶，希望同佢喺音樂上有合作機會。」 撰文：馮仁昭 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
雷深如（J.Arie）噚晚擔任麥花臣場館舉行《藝。派對》表演嘉賓，佢近日發生咗件美麗的誤會，日前J.Arie上載一張婚紗相上網，旁邊由蔡卓妍（Sa）擔任伴娘，但竟然有人喺討論區留言祝佢新婚快樂！J.Arie笑住講：「真係一個美麗的誤會，嗰張係劇照，因為電影《原諒他77次》拍續集，所以我將上次張劇照上載，因為我嗰角色係延續上次結婚後，今次生埋小朋友。再加上除咗容祖兒、Yumiko（鄭希怡）同阿嬌（鍾欣潼）先會有阿Sa做伴娘。」 呢個「美麗的誤會」甚至連佢父母同細佬都唔知，要問番佢發生咩事，J.Arie笑指收到大家祝福，但短期內未能成事，因為連最重要的男主角都未有，加上現時想珍惜工作上遇到的機會，起碼35歲先結婚，生仔就再看情況。今次開拍續集係好短時間內通知，佢話：「個角色係好鍾意炫耀自己，同我性格好唔同，始終係兩年前角色，所以我要好快去投入角色性格，亦有參考身邊愛炫耀自己嘅朋友舉止去演。」J.Arie當初沒想過有機會演戲，所以每次有機會演出都放盡去做，好似今次角色便大癲大肺去做。 攝影：馬建華/facebook圖片 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
石詠莉(Sukie)、雷深如(J.Arie)、布志綸(Alan)、Mary Lam Lam，噚晚喺灣仔合和中心為「勁爆樂勢力Live Gig Round 2」擔任表演嘉賓，主題係唱懷舊歌。Sukie話：「我鍾意唱懷舊歌，上幾年翻唱舊歌，fans聽完會想搵番個原唱者，令我好有使命感。」 講到有報道話Sukie老公鄧健泓(Patrick)同何佩瑜(Jeana)拍網絡電影《掃黑神探》一場Kiss戲，搞喊Sukie？佢坦承：「係呀！佢冇同我申報，拍完至講，搞到我冇心理準備，呢部戲我唔會睇，佢亦唔會畀我睇。雖然呢場戲只係錫一啖，諗清楚佢都係為工作。」如果之後再有同樣情況，會唔會有申報就批准？Sukie話：「睇下合唔合理啦！預先報告有心理準備，始終我係老婆，我都會呷醋。」有冇懲罰Patrick？Sukie不滿話：「佢笑我，當時拍完呢場戲用視像同我通話，見我眼濕濕個樣，激死我。」 同場嘅J.Arie戴住橙色眼鏡現身，佢話：「90年代好興有色眼鏡，未出道前我有翻唱舊歌放上網，細個坐爸爸架車成日聽佢播歌，舊歌對我唔會陌生。」J.Arie講到Sukie嬲Patrick拍Kiss戲，佢笑言：「比我都嬲，不過我暫時未獻出銀幕初吻，我啲對手係林德信、曾國祥，我同導演商量可唔可以借位。」 Alan即場獻唱陳百強嘅《當我想起你》，佢話：「我鍾意佢某幾首作品，而上年林敏驄演唱會，我係其中一個表演者，我本來想唱呢首歌，但俾人揀咗。」佢又講到囝囝o依家返緊學前班，近排雖然工作忙碌，但都會盡量抽時間湊仔返學：「啱啱返頭一兩日，唔適應，返到學校攬住我唔俾我走，好有做爸嘅感覺。」 攝影：林賓尼 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
J.Arie(雷琛瑜)今日帶病到新城電台宣傳新歌《神奇女俠》，聲沙沙嘅佢表示：「應該係日前去澳門坐船冷親，然後就咳兼聲沙，已經睇完醫生食咗藥，但今晚仲要錄節目唱歌。」佢話雖然電視台錄影有機會可以咪嘴，不過自己仍然堅持，即使衰聲都會唱現場。為咗今次新歌J.Arie轉咗全新形象，佢話得到嘅反應都非常正面：「原來大家都鍾意我跳跳地，反而因為咁殺出條血路，仲覺得平時嘅我太正經。」 攝影：曹家誠 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
河國榮噚晩喺九展為自資嘅《31。31 dare to dream 河國榮音樂會》演出，噚日係河國榮啱啱嚟咗香港31年嘅日子，佢話今次音樂會冇乜嘢大嘅主辦機構，主力自己同太太做搞手：「好多謝太太，最重要係我太太，音樂會冇咗佢唔得，I love you。」河國榮喺唱《當年情》嘅時候，神秘嘉賓古巨基出現同河國榮合唱，唱完首歌古巨基話：「好戥河國榮開心、感動，一位外國人30年前嚟香港有一個音樂夢想，30年後可以開一個廣東話音樂會，佢真係等咗三十年，驚佢今晚好激動會喊。」兩人重提大約十年前在錄音室偶遇情況，古巨基話：「我哋喺無綫應該冇合作過，但可能佢嘅電視劇由細陪住我大。當日自己去錄音室係錄歌，後來得知河國榮專登租一個錄音室練歌，鍾意唱歌可以去k房咪得囉，使乜專登book個錄音室練歌，於是大家就傾咗陣偈。」基仔仲話：「河國榮仲問我點先可以搵到自己把聲音，我當時答佢唱吓唱吓就搵到，其實個答案冇乜建樹，但當其時見一位外國人咁有心去做呢件事，一定要畀支持，所以今日我一定要嚟。 」兩人合唱《友共情》，歌曲中有英文rap歌詞，唱完之後古巨基忍唔住話：「我冇諗過係一個鬼佬面前rap咁多英文。」另外一位嘉賓雷琛瑜(J.arie)，佢同河國榮早年拍攝電影認識，兩人至今仍維持好友關係 ，兩人分別自彈結他合唱《緣份》。 攝影：仇志德 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
雷琛瑜（J.Arie）噚日到商台宣傳新歌《無神論》，佢話：「無神論係講緊情侶間冇男神呢個無神論，女仔唔好單方面淨係崇拜個男仔，當佢係男神咁。」佢話新歌主題都有少少自己嘅經歷，所以同黃偉文先諗呢個主題。佢又話自己性格情緒起伏好大，有時會唔知乜原因突然間好竧𣉢，所以仍然搵緊新一段感情：「要學吓笑多啲，否則嚇親人，反而喺工作上就唔會咁樣。」撰文：馮仁昭 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
雷琛瑜（J.Arie）與小塵埃昨到尖沙嘴擔任音樂活動表演嘉賓，她透露有意今年舉行音樂會：「想喺草地或鬧市做，好似黎明咁核心內圍同外圍都聽到，感覺親近啲。」會否和鼓手男友再合作？她笑說：「佢會話唔得閒㗎，藝術家係寸啲，我哋平時都互寸。」她並謂男友未到時候見家長，仍需時間再觀察：「媽咪唔係唔鍾意佢，遲啲先啦。」 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
雷琛瑜(J.Arie)今日喺新城宣傳電影《失戀日》主題曲《我錯》，講到呢首歌反應好好，佢表示幾驚喜。年尾頒獎禮快到，J.Arie話未知會唔會出席，因為有工作在身，佢仲話：「今年有好多唔同收穫，所以年尾嘅獎項，有梗係當然好，例如年頭派咗首歌，我好鍾意，4月去過金像獎，可以提名，同林家棟一齊行紅地毯。」 J.Arie又提到最近去許冠傑演唱會做嘉賓：「我真係冇諗過可以上到呢個紅館台，因為一開始，嘉賓名單已經定咗，我有次無聊自彈自唱《心裡日記》，仲放咗上Instagram，後來畀佢兩個仔睇到，然後畀咗佢老竇(許冠傑)睇。隔咗幾日就問我有冇興趣做嘉賓，我就去足3晚紅館，encore位同許冠傑一齊彈住結他唱《梨渦淺笑》，聽樂手講，佢開咗咁多次演唱會，未試過有女仔同佢一齊彈結他唱歌。」 資料來源：《蘋果日報》 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
J.Arie（雷琛瑜）噚晚喺灣仔一間餐廳舉行迷你音樂會，佢話上個禮拜出新歌，冇諗過咁短時間，就速成呢個音樂會，初初都驚冇人嚟睇，結果全場坐滿人，好驚喜。J.Arie父母都有嚟捧場，而男友就係音樂會嘅鼓手，不過一講到男友佢就好避忌，同台演出好似唔識咁零交流，而佢父母就好專心食嘢，對呢對小情人同台冇太大反應。問佢係咪順便見埋家長？J.Arie就話：「哎吔！我成日大班朋友去大家屋企食飯，一大班朋友一齊至好玩。」再問揀咗聖誕禮物畀男友未？佢笑言：「呢啲……我父母都未諗，咁樣唔好，不孝呀！」講到傳出林作入娛樂圈，J.Arie聽到即刻失控大笑：「吓！佢做乜入娛樂圈？我真係唔知，第一次聽，可能佢已經執咗業，我只係港大法律系畢業生，如果我要執業做律師，就要另外讀多一個課程，畢業之後我就有歌手合約，o依家好困身，總有一日我會去讀課程成為律師，不過暫時未知幾時。」 資料來源：《蘋果日報》攝影：馬建華 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
雷琛瑜（J.Arie）今日喺商台宣傳新歌《我錯》，係電影《失戀日》嘅主題曲，佢話為配合電影主角鄧麗欣（Stephy）嘅演繹，所以自己唱歌時都唔會太淒慘。J.Arie又話自己拍拖時唔會講太多自己感受，但又怕男朋友將感覺放喺心，只係黑面嬲，佢話：「我會覺得好難頂，o依家同男朋友發展穩定，大家因音樂而認識，希望音樂將我哋帶住走。」稍後J.Arie會有個小型音樂會，已邀請林家棟、林德信等朋友去睇。 資料來源：《蘋果日報》（攝影：王連連） 由於《蘋果日報》網站於2021年6月24日00:00停止運作，我們已趕於網站關閉前下載所有有關J.Arie的報導，大部份報導上傳至本網站以供各位J Fans翻查。
